«Դիվելոփմենթ էյդ»-ը Միջազգային ֆինանսական ընկերությունների և համաշխարհային զարգացման գործակալությունների ներկայացուցիչների հետ համատեղ Նոյեմբերի 20-ին Երևանում կազմակերպեց «Միջազգային համագործակցության և զարգացման ֆորում Հայաստանում» միջոցառում՝ առաջիկա բիզնես հնարավորությունների և երկրի սոցիալ-տնտեսական զարգացման միջազգային համագործակցության կարևորության թեմայով:

2017թ. օգօստոսի 22-ին «Տավուշի մարզի ինտեգրված և հավասարակշռված տնտեսական զարգացում» ծրագրի թիմը հերթական աշխատանքային հանդիպումն ունեցավ Տավուշի մարզի ֆերմերային տնտեսությունների ներկայացուցիչների և համայնքապետերի հետ:Հանդիպման ընթացքում մասնակիցներին ներկայացվեց  ծրագրով նախատեսված  աշխատանքների ընթացքը: Ֆերմերային տնտեսությունների ներկայացուցիչները հետաքրքրված էին գործողությունների իրականացման ընթացքում հնարավոր խոչընդոտների  և դրանց հաղթահարմանն ուղղված միջոցառումների պլանով:

Տավուշի մարզի երիտասարդական խմբերի մասնակցությունը  համայնքային խնդիրների լուծման  գործում ակտիվացնելու նպատակով, «Սի-Սի-Դի» տարածաշրջանային համագործակցության հասարակական կազմակերպության կողմից   տրամադրված փոքր դրամաշնորհային միջոցներով 2017թ. հունիսին աջակցություն է ցուցաբերվել Նոյեմբերյան համայնքի 40 անապահով ընտանիքների՝ Նոյեմբերյան, Բերդավան, Դովեղ, Ջուջևան, Բաղանիս, Ոսկեպար, Ոսկեվան, Կոթի և Բարեկամավան բնակավայրերում:

«Քմյունիթի Սենթր ֆոր Դիվելոփմենթ» տարածաշրջանային համագործակցության ՀԿ-ի կողմից ԵՄ ֆինանսավորմամբ իրականացվող «Տավուշի մարզի ինտեգրված և հավասարակշռված տնտեսական զարգացում» ծրագիրը մշտապես խրախուսում է նոր ներդրումային ծրագրեր Տավուշի մարզում, որը կնպաստի համայնքների գործազուրկ բնակչության ակտիվ ներգրավվածությանը կատարվող աշխատանքներում:

Եվրասիա համագործակցություն հիմնադրամն ԱՄՆ Միջազգային զարգացման գործակալության կողմից ֆինանսավորվող «ՀԿ Դեպո-Հասարակական կազմակերպությունների զարգացման ծրագրի» շրջանակներում հրավիրում է Հայաստանի հասարակական կազմակերպություններին մասնակցելու «ՔՀԿ-ների կայունության ռազմավարություն» դրամաշնորհային ծրագրին։

Սահմանամերձ բնակավայրերում կանանց զբաղվածության խնդիրները լուծելու նպատակով «ՎԻՆՆԵՏ Հայաստան»-ի ներկայացուցիչները հետաքրքրված են ընդլայնել   ՀՀ-ում կանանց ռեսուրս կենտրոնների ցանցը և կազմակերպում են կանանց սոցիալ-տնտեսական  կարողությունների զարգացման քննարկումներ ՀՀ տարբեր բնակավայրերում: